讀咗七年女校，我骨子裡一直相信女性能力
亦都希望男女地位可以平等。
呢樣野我喺我嘅生活同愛情中一直努力實踐緊
但我從來唔願意標榜自己做女權L，
因為香港嘅女權已經被污名化得太緊要。
香港嘅女權一直被一班上流名媛、女明星、KOL騎劫
非常「善心」地關心外國弱勢女性
偏偏喺香港女性遇到警暴時不發一言
令到「女權」同「偽善」之間隱約出現咗個等號。
我恥與為伍。
但我唔希望香港女性因為呢班偽善嘅人而同樣被污名化。
我身邊認識嘅女性朋友大多數都係女中豪傑
經濟、工作上從來都不輸同齡男性，
亦非以「我要嫁個有錢人」為人生目標，
生活上亦唔會take男人advantage，
同時非常關心社會發生嘅事，亦都勇於發聲。
社會上層嘅偽善女人真係無資格代表港女
停止將佢哋當成香港女性形象，
將佢哋當番做一般嘅偽善明星、名人，
先可以剔走番女權同偽善中間嘅等號。
之前打過一篇文，想quote番其中一段
which is我一直一直深信同堅持嘅事
唔好用「女權」嚟呃光環、拎著數，
女權嘅初心係支持男女平等，而非女性特權。
要停止女權/港女被污名化，先從自己做起。
（手袋自己拎番啦屌，買個咁貴手袋畀男人拎）
『我相信權利與義務
追求權利上男女平等時，亦都要記得付出都要平等
唔係權利與付出同時都take晒advantage
我最怕有種女人有事就「你係男人」無事就「我要平等」。』
我嘅Patreon需要大家支持 ;D
https://www.patreon.com/hkgirlfriend
**收入會將一半捐出支援被捕人士。
IG：@hkgirlfriend
FB：港女友
Search